ladamiri_lari (ladamiri_lari) wrote,
ladamiri_lari
ladamiri_lari

Усьтиськем кар

 

Исторической клубъёслэн фестивальзы но

Субкультураослы сизем «Усьтиськем кар»  фестиваль

 

25-26 инвожое Ижын исторической клубъёслэн фестивальзы ортчоз. Фестивалез радъя Калык творчествоя элькун юрт, егитъёслэн национально-культурной «Чош» («Вместе») ассоциацизы, «КультProСвет» промо-группа,  «Стезя Прави» военно-исторической клуб, егитъёслэн «Креатив капитал» движенизы.

Та фестивален чош 26 инвожое Ижысь Киров нимо паркын ортчоз туала субкультураослы сизем «Усьтиськем кар» «Открытый город» фестиваль. Фест малпамын калык сям-йылолъёсты но туала лулчеберетэз, арт-искусствоез герзан понна.

Нырысь ик фестиваль радъямын туала поп-культурае пырисьтэм арт-группаос но кырзасьёсты возьматон понна. Чузъяськоз экспериментальной крезьгур, джаз, блюз реггиен, этноен, фолкен валче.

Фестиваль огазеялоз тодмо проектъёсты: «Кылбурет жытъёс», «Ижысь крезьгуро чемпионат», «Чайно-барабанной вечеринкаос», «»Акустической жытъёсты» но этнодиджейёсты.

Крезьгурчиос сяна, ««Усьтиськем карын» театральной постановкаос, перфомансъёс ортчозы, нош Эрико сцена вылын котькудиз лыктэм адями мыло-кыдозэ возьматыны быгатоз.

Кибашлы муртъёслэсь киужъёссэ басьтон понна базар ужалоз, удмурт дизайнеръёс возьматозы коллекциоссэ, ортчозы сosplay-шоу, урам эктонъёсъя чошатсконъёс, файер-шоу но трос мукетыз.

Фестивальлэн шорсюлмыз – Исторической фехтования чемпионат - люкалоз Ижысь, Глазкарысь, Пермьысь, Чайковскийысь, Казаньысь, Чебоксарысь но Екатеринбургысь лыктэм исторической клубъёсты. Соос возьматозы Шор дауръёсысь Русь но матысь элькунъёслэн ожгар культуразэс.

Финальной ожъёс но показательной выступлениос ортчозы 26 июне Киров нимо паркын. Та нуналэ вань мылкыд карисьёс тодматскозы шор дауръёсысь Русь но Европаысь ожгарчиослэн улонэнызы, пыриськозы пукычен ыбылиськон турнире но трос калыко ожез адзозы.

Subscribe
  • Post a new comment

    Error

    Anonymous comments are disabled in this journal

    default userpic

    Your reply will be screened

    Your IP address will be recorded 

  • 0 comments